“ 究竟點樣去開發中國14億人口市場呀？”
作為20年中港商業顧問，並且熟悉內地社交媒體生態，我最常被問到的，就是這個問題。
由於搵我地服務主要都是中小企，我都會忍晤住問佢地一個問題：請問貴司而家一年做幾多生意?
答案都係從幾百萬到幾千萬，畢竟大家都係中小企。
我跟住會問：甘你地開發內地市場，你地預算想生意會增長幾多？
香港人都會比較務實，一般佢地話希望3成，5成增長。
甘假設你地一年做1000萬生意，你大概有幾多個客可以做到呢個營業額？佢地回答一般可能一百幾十個
甘我假設你生意增長一倍，其實你需要嘅客嘅數量，亦都只係增長多一百幾十個，甘究竟全國14億人口關你乜野事？
而且就算真係全國14億人真係追住你做生意？你嘅公司團隊產能，又可以應付到咩？
所以，我經常同佢地講，晤洗甘早唸14億人口，不如你唸下能夠令你生意翻一倍的個一百幾十個客係邊度，專注一下你自己嘅細分市場，唸下你嘅潛在客戶鍾意你乜野產品，願意出乜野價錢，你點樣將產品交付比佢地，你可以用乜野方法收錢，你嘅成本支持又係幾多等等。。。。。
當然，如果你第一批內地客真係比你跑通，生意的確做到增長幾倍，你的確可以開始唸下14億人口嘅市場